الفرق بين التمليك وحق الانتفاع سؤال محير ناس كتير بالاخص المقبلين علي شراء شاليه في راس سدر
هقولكم الفرق باختصار
اولا الكلمتين مش ضد او عكس بعض (التمليك وحق الانتفاع )
مش زي (التمليك والايجار )مثلا ومش زي التمليك والايجار القديم ومش زي التمليك والتمليك الجزئي (التايم شير)
طيب فين المشكلة ؟؟
مفيش اي مشكلة
اللي حصل ان في كل دول العالم تقدر تمتلك عقارات واراضي داخل اي دولة وانت مش مواطن فيها ولكن ممنوع تمتلك علي سواحل اي دولة انت اجنبي فيها ودا مكنش بيحصل في مصر لغاية 2015 تم اصدار قانون مخصوص للتملك في سيناء اسمه (قانون حق الانتفاع ) هو المفروض ميكونش اسمه كدا لان اسم القانون يخوف والمفروض المشرع كان يحط اسم الطف للقانون مثلا (قانون الامتلاك في سيناء)
القانون دا بينص علي ان جميع اراضي سيناء يمكن امتلاكها لمدة 99 سنة ودا قرن من الزمان يعني انا وانت هنكون في عالم النسيان واللي هيكونو عايشين مش هيكونو قرايبك اصلا هيكون عالاقل ابن ابن حفيدك عمره 25سنة ومش هيكون عارفك اصلا ولا هيكون عنده حتي صورة ليك
ثانيا / بعد 99 سنة هيكون مفهوم المنتجعات السياحية اتغير واختلف يعني ممكن بدل بناء مباني خرصانية علي الشواطئ يهكون مثلا كبسولات شفافة طائرة او اطباق عائمة داخل البحر نفسه ويتلغي المنتجعات الشاطئية اصلا …فانت قلقان من ايه دا فيه حالة ان الدولة بعد 100 سنة هتسحب من الشاليه او القرية ودا مش مكتوب اصلا في نص القانون ..
ثالثا / جميع قري حق الانتفاع في سيناء معظمها افضل من القري القديمة
الخلاصة/ مفيش فرق بين التمليك وحق الانتفاع (في القري السياحية في سيناء )
تحياتي
م/شنودة النجار
المدير التنفيذي لشركة اباهور العقارية